39 ордын жагсаалтад Төгрөг нуурын орд багтдаг. Төгрөг нуурын ордын хайгуулыг 1983 оноос хойш хийж, нөөцийг тогтоосон. 3.1 тэрбум тоннын хүрэн нүүрсний нөөцтэй гэсэн судалгаа гарсан. Үүн дээр олон компани хайгуул хийж нөөцийг нь тодорхойлсоор ирсэн. Энэ ордод "Төгрөг энержи" компани 4 лиценз эзэмшдэг. Хариуцлагатайгаар хэлэхэд УИХ-ын гишүүн, Монгол Улсын төрийн тэргүүнээр ажиллаж байсан Баттулга гуайд хандаж хэлье.

Та өөрийн үүсгэн байгуулсан Camex, Хятад, Сингапурын иргэд, Хонконгийн бирж, Виржини, Кайманы арал дамнуулан үндэстэн дамнасан санхүүгийн схем угсарч 250 сая доллараар зарсан чинь бас үнэн. Та төрийн тэргүүн байсан чинь үнэн.

Та байгалийн баялаг бол ард түмний өмч гэж байнга хэлж ярьдаг чинь бас үнэн. Танд өөрийн хутгасан энэ будилааныхаа учрыг олж ирэх 7 хоногийн хугацаа олгож байна. Хэрэв үгүй бол бид ХУУЛИЙН ДАГУУ ӨӨРӨӨР ШИЙДЭХ БОЛНО. Баялгийн өгөөжийг ард иргэдэд хүртээх үг яриагаа үйлдэл, үр дүн болгох эсэхийг олон түмнээрээ анхааралтай харж байгааг сануулъя.