Улсын Их Хурлын Нийгмийн бодлогын байнгын хороо (2025.04.01)-ний өдөр хуралдаж, дэвшигчдийн сонсголд ажиллах хараат бус шинжээчдийг томилох тухай асуудлыг хэлэлцэн шийдвэрлэв.

Уг асуудалтай холбогдуулан гишүүд асуулт асууж, хариулт авлаа.

УИХ-ын гишүүн Д.Үүрийнтуяа: 

ЛЦэрэндулам нэр дэвшигчээс асуулт байна. Таны ажлын туршлагыг харахаар Шимтгэл төлөгч таны төлөө ТББ-ын тэргүүн мөн АХБ-ны хүнс тэжээл, нийгмийн халамжийн нэмэлт санхүүжилт төслийн зөвлөхөөр ажиллаж байсан аж. Эдгээр ажлын байртай холбогдуулаад Та, НДҮЗ-ийн гишүүнийг нэр дэвшиж байгаа гишүүн дээр хараат бусаар дүгнэлт гаргахад ашиг сонирхлын зөрчил үүсэхгүй гэж бодож байна уу?

Үргэлжлүүлэн тэрбээр,

Хоёр нэр дэвшигч буюу хараат бус гишүүд хараат бусаар дүгнэлт гаргах гээд байгаа. Нэг ёсондоо шинжээчээр ажиллана. Эдгээр хүмүүс мэргэжлийн экспертүүд байх ёстой. Энэ хүмүүсийн маань зорилго, НББХ хууль эрх зүйн хүрээнд сонсгол дээр хараат бусаар дүгнэлт гаргах буюу үндсэндээ хөндлөнгийн аудиторууд л гэсэн үг шүү дээ. Үүнийг шалгаруулах гээд буй зорилгууд өөр хоорондоо зөрчилдөөд байна!

Л.Цэрэндулам танд туршлага байна. Гэхдээ таны зорилго өөр байна. Тодруулбал, зорилго нийцэхгүй байна!Э.Мөнхсоёл нэр дэвшигч мэргэжлийн эрдэмтэн судлаач хүн байна. Гэхдээ та энэ чиглэлд дадлага, туршлагагүй юм байна. Та өөрөө болон манай гишүүд ч хэлж байна. Хууль хяналтын байгууллага, шүүх цагдаагийн байгууллага дээр хараат бус шинжээчээр хэнийг томилдог вэ гэвэл тухайн салбартаа хамгийн их мэргэшсэн хүнийг томилдог. Тэгэхээр өнөөдрийн бидний зорилго та бүхний зорилго хоорондоо уялдахгүй байна. НББХ-ны ажлын албан дээр зохион байгуулалтыг хийхэд өөр хүмүүс нэр дэвшээгүй юм уу?