Монгол Улсын Засгийн газар бизнес эрхлэх орчныг сайжруулж, эдийн засгийн өсөлтийг дэмжих эрх зүйн шинэчлэл хийх ажлыг албан ёсоор эхлүүллээ.

Ирэх УИХ-ын хаврын чуулганаар дараах хуулиудын шинэчлэл, өөрчлөлтийг боловсруулж, өргөн барина.

• Гадаадын хөрөнгө оруулалтын тухай хууль
• Татварын тухай хууль
• Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль (Тендерийн хууль)
• Нийгмийн даатгалын тухай хууль
• Компанийн тухай хууль
• Дампуурлын тухай хууль
• Зөвшөөрлийн тухай хууль

Эдгээр хууль, эрх зүйн шинэчлэл нь бизнес эрхлэгчдэд тулгардаг хүндрэлүүдийг арилгаж, хүнд суртлыг бууруулах, төрийн ил тод, шуурхай үйл ажиллагааг хангах зорилготой юм.