Өнөөдрийн УИХ-ын чуулганаар Монгол Улсын 2025 оны Төсвийн тухай хуулийн төслийн хоёр дахь хэлэлцүүлгийг хийлээ.

УИХ-ын чуулганаар "Сургууль, цэцэрлэг, дотуур байрны хүүхдүүдийн хоолны материалын зардлыг төлөвлөснөөс 10%-р бууруулахгүй байх" санал маань дэмжигдлээ. Монгол Улсын ирээдүй болсон үр хүүхдүүдийнхээ төлөө "За" гэж хэлсэн УИХ-ын эрхэм гишүүддээ баярлалаа. 

Түүнчлэн, эмэгтэй гишүүдээ онцлон талархал илэрхийлье. Энэ удаагийн УИХ-д эмэгтэй гишүүд олуулаа болсон нь олон давуу талыг бий болгож байгаагийн нэг тод илрэл нь хүүхдүүдийнхээ эрх ашгийн төлөө хамтдаа нэгдэж, зүтгэсэн явдал байлаа.

Эмэгтэй гишүүд маань цаашид ч Монгол Улсынхаа, ард иргэдийнхээ, хүүхэд багачуудынхаа төлөө нэг сэтгэлээр хамтдаа зүтгэнэ гэдэгт эргэлзэхгүй байна.

Сэтгүүлч

Сэтгүүлч Б.Хонгорсайхан