УИХ-ын гишүүн, УИХ дахь Боловсрол, Соёл, Шинжлэх ухаан, Спортын байнгын хорооны дарга Ч.Ундрам Сэлэнгэ аймгийн Мандал сумын Оюун ухааны академийн суралцагч С.Ариунтунгалагийг өнөөдөр хүлээн авч уулзлаа.

 С.Ариунтунгалаг нь 2024 оны 8 сард Бүгд Найрамдах Турк улсын Истанбул хотноо зохион байгуулагдсан 33 дахь удаагийн Ой тогтоолтын дэлхийн аварга шалгаруулах тэмцээнд эх орноо төлөөлөн оролцож 5 минутад 89 үг цээжилж бага насны ангилалд дэлхийн рекордыг шинэчлэн тогтоосон байна.

УИХ-ын гишүүн Ч.Ундрам “Оюун ухааны дэлхийн дээд амжилтыг шинэчлэн тогтоож Монголчуудын амжилтын буухиаг үргэлжлүүлэн яваа залуу тамирчин С.Ариунтунгалагтаа болон багш, гэр бүлийнхэнд нь баяр хүргэж цаашдын уралдаан тэмцээнд нь өндөр амжилт хүсье. Мэдлэг Монголын баялаг” хэмээв.