Нийтийн тээврийн парк шинэчлэлийн хүрээнд оруулж ирсэн "Ногоон автобус"-ны асуудалтай холбогдуулан Нийслэлийн Засаг дарга бөгөөд Улаанбаатар хотын захирагч Д.Сумъяабазар албан тушаалаасаа чөлөөлөгдөх өргөдлөө Ерөнхий сайдад өгсөн.

Тиймээс ХЗДХ-ийн сайдаар ажиллаж байсан Х.Нямбаатарыг Хотын даргын албан тушаалд томилох улс төрийн шийдвэр гарсан бөгөөд өнөөдрийн /2023.10.12/ НИТХ-аар Хотын даргад ХЗДХ-ийн сайд асан Х.Нямбаатарыг томилох асуудлыг хэлэлцлээ.

НИТХ-аар Х.Нямбаатарыг томилохыг нийт төлөөлөгчдийн 78.57 хувийн саналаар дэмжсэн байна. НИТХ-ын тогтоолын төслийг Монгол Улсын Ерөнхий сайдад өргөн барина. Улмаар Ерөнхий сайд хотын даргыг батламжлах юм.