БШУ-ны сайд Л.Энх-Амгалан орчин цагийн боловсролын салбар үүсэж хөгжсөний 100 жилийн ойн баярын мэндчилгээ дэвшүүллээ. Тэрбээр "Монголын боловсролын салбарыг босгож, бэхжүүлж, хөгжүүлэхэд үнэтэй хувь нэмэр оруулсан үе үеийн эрдэмтэн багш, манлайлагч, сурган хүмүүжүүлэгч нар болон үе үеийн боловсролын салбарынхандаа баярын мэнд хүргэж, хамгийн сайн сайхныг хүсье. Үнсэн самбараас эхэлсэн Монголын боловсрол үүлэн технологид хүртэл 100 жил хөгжлөө. Бийр бэхээс эхэлсэн Монголын боловсрол бичил компьютерт шилжсэн 100 жилийн мэнд хүргэе" гэсэн юм.