Багш нарын цалинг нөөц боломжиндоо тулгуурлан 8-30 хүртэлх хувиар нэмэгдүүлэх шийдвэр гаргасан ч багш нар 50 хүртэлх хувиар нэмэх шаардлага тавин зарим сургуулийн багш нар хугацаагүй ажил хаяад байна. Багш нарын ажил хаялттай холбоотой УИХ-ын гишүүд байр сууриа илэрхийлж байна. 

УИХ-ын гишүүн Н.Учрал: УИХ-аас төсвийг батлах ёстой учраас төсөвт тодотгол хийж байж цалингийн асуудлыг ярих ёстой. Хууль эрх зүйн хувьд боломжгүй цаг үе таарлаа. Төсвийг хэлэлцэхэд үүнийг нээлттэй ярилцах ёстой. Багш нар үүн дээр ухаалаг хандах хэрэгтэй. Ажил хаяснаараа ардын хүүхдийг хохироож байна. Хамгийн бололцоогүй байгаа хүүхдүүд л улсын сургуульд 3 ээлжээр хичээллэж байна. Бид сурагчдыг хохироохгүй байх ёстой.