Улаанбаатар хотын гэр хороололд төрийн үйлчилгээг сайжруулах , иргэдийн оролцоотой төсвийн төлөвлөлтийг дэмжих “Хотын засаглал” төслийн нээлтийн арга хэмжээ боллоо.

Энэхүү төслийг Швейцарийн Хөгжлийн Агентлагийн санхүүжилтээр нийслэлийн Засаг даргын Тамгын газар, АНУ-ын Азийн сан, “Нээлттэй нийгэм форум” ТББ, Транспэрэнси Интернэйшинат Монгол, Ардчиллын боловсрол төв зэрэг байгууллагуудтай хамтран хэрэгжүүлж байгаа юм. Нээлтийн үйл ажиллагаанд нийслэлийн ИТХ-ын Тэргүүлэгчдийн нарийн бичгийн дарга Б.Энхболд, Улаанбаатар хотын Ерөнхий менежербөгөөдЗахирагчийн ажлын албаны дарга Б.Бадрал, Швейцарийн Элчин Сайдын Яамны Хамтын ажиллагааны газрын захирал, Ерөнхий консул Маркус Валдфогел, Азийн сангийн Суурин төлөөлөгч- Мелони Клиндберг болон нийслэлийн есөн дүүргийн хорооны Засаг дарга нар оролцов.

Энэ үеэр Хотын засаглалыг сайжруулах чиглэлээр нийслэлийн Засаг даргын Тамгын газраас явуулж байгаа бодлого, хэрэгжүүлж байгаа ажлын талаар танилцуулжээ. ‘Хотын засаглал” төсөлд нийслэлийн есөн дүүргийн 33 хорооны 330 мянга гаруй иргэнийг хамруулж байгаа бөгөөд төслийн хүрээнд төрийн үйлчилгээ үзүүлэх, төсвийн шийдвэр гаргах явцад иргэдийг оролцуулж дүүрэг хороодын чадавхийг бэхжүүлэхэд анхаарч ажиллах юм байна.