Монгол Улсад шинэ “Үндсэн хууль” батлагдсан өдрийг тэмдэглэн өнгөрүүлэх ажлын хүрээнд “Оюунлаг иргэдтэй нийслэлийн төлөө” уриатай Баянзүрх дүүргийн шатар сонирхогчдын аварга шалгаруулах тэмцээн амжилттай зохион байгуулагдлаа.

Эрэгтэй, эмэгтэй гэсэн 2 төрлөөр явагдсан тэмцээнд дүүргийн 28 хорооны эрэгтэй 70, эмэгтэй 23 шатарчин оролцсон юм. Тэмцээний эрэгтэй төрөлд:
Нэгдүгээр байранд 25 дугаар хорооны иргэн Б.Буянмөнх 
Хоёрдугаар байранд 2 дугаар хорооны иргэн Б.Цэцэнбаатар 
Гуравдугаар байранд 5 дугаар хорооны иргэн Г.Лхагва 
Эмэгтэй төрөлд: 
Нэгдүгээр байранд 20 дугаар хорооны иргэн М.Тогтохбаяр 
Хоёрдугаар байранд 15 дугаар хорооны иргэн Б.Оюунбилэг 
Гуравдугаар байранд 5 дугаар хорооны иргэн Ч.Наранцэцэг нар шалгарсан бол 
“Ахмад тамирчин”  шатарчнаар 1 дүгээр хорооны иргэн 81 настай Н.Цэрэн, “Оюунлаг түшээ” залуу шатарчнаар Б.Маргад-Эрдэнэ нар шагнагдлаа. Шагналыг  ИТХ-ын дарга Ц.Батхүү, Иргэний танхимын дарга Ё.Оюунчимэг, ИТХ-ын төлөөлөгч, хуулийн зөвлөх Д.Нэргүй,  Монгол Улсны гавъяат тамирчин Т.Үйтүмэн нар гардуулав.
Мөн эхний байранд шалгарсан эрэгтэй 6, эмэгтэй 3 тамирчдад Нийслэлийн шатар сонирхогчдын аварга шалгаруулах тэмцээнд оролцох эрхийн бичиг гардууллаа.