Энэхүү стандартаар ахуйн хэрэглээний хатуу түлш буюу нүүрсийг жижиглэнгээр худалдаалах шуудайны хэмжээг тодорхой зааж өгөв.

Нүүрсний шуудай 15, 25, 40кг-ийн хэмжээтэй байх бөгөөд нүүрсний ширхэглэлийн хэмжээг 5 см-ээс багагүй байхаар тогтоосон байна.

Уг стандарт батлагдсанаар нүүрсний үнийн хөөрөгдлийг багасгаж, хэрэглэгчдийн худалдан авах чадварыг нэмэгдүүлнэ гэж үзжээ.

Стандартчилал, хэмжил зүйн газар /СХЗГ/-ын даргын тушаалаар АМГ, НХЭАХН, ММСС-ийн Цэвэр агаар сан төсөл, Нийслэлийн ЗДТГ, Хими технологийн хүрээлэнгийн төлөөллөөс бүрдсэн ажлын хэсгийнхэн дээрх асуудлыг хэлэлцэж шийдвэр гаргасан байна.