Энэ удаагийн шинэ парламентын 126 гишүүний 81 нь анх удаа УИХ-ын гишүүнээр сонгогдон ажиллаж байна. Үүний нэг нь зүүн бүсийн өрсөлдөөнтэй тойргоос, туршлагатай улс төрчдийг ардаа орхин, сонгогдсон УИХ-ын гишүүн Ш.Бямбасүрэн.

Тэрээр манай улсад хувь хүний болон бизнес хийх, үзэл бодлоо илэрхийлэх эрх чөлөө бага багаар хумигдсаар байгаад харамсаж явдаг төдийгүй,үүний эсрэг үзэл баримтлалын хувьд хамгийн ойр нам нь Ардчилсан нам учраас 2019 онд тус намын гишүүнээр элссэн гэж ярьдаг. Түүнчлэн Дорнод аймагт 1996 оноос үйл ажиллагаа явуулж буй “Найнги” ХХК-ийнхаа гүйцэтгэх захирлаар ажиллаж байсан. Ийм учраас хувийн хэвшлийн үйл ажиллагааг дэмжсэн хууль эрх зүйн орныг бүрдүүлэхэд хувь нэмэр оруулахаар парламентад орж иржээ. Монгол Улс том төслүүдээ хөдөлгөж байж эдийн засгийн том эргэлтийг бий болгож, хувийн хэвшлүүд үүнд нь оролцсоноор эдийн засгийн эргэлт, ажлын байр бий болж, ард иргэд нь хөгжих боломж үүснэ гэж хардаг.

УИХ-ын намрын чуулган эхлэхээр сонгуулийн сурталчилгааны үеэр амлаж байсан ажил болон хувийн хэвшил зэрэг бусад зүйл дээрээ төвлөрч ажиллахаар ажиллаж байгаа аж. Эдийн засагч мэргэжилтэй гадаад, дотоодод чамлахааргүй боловсрол эзэмшсэн залуу улс төрчийг эрчтэй, хүчтэй, ухаалаг ажиллах байх аа гэж түүнийг дэмжиж, итгэл хүлээлгэсэн зүүн бүсийн сонгогчид нь хүлээж байгаа биз ээ.

Сэтгүүлч

Сэтгүүлч Ц.Соёлмаа soyolmaa@vip76.mn