Ирэх оны төсвийн төслийг дагалдуулан Засгийн газар Төрийн албаны тухай хуульд нэмэлт, өөрчлөлт оруулах тухай хуулийн төслийг УИХ-д өргөн мэдүүлсэн.

Энэ хуулийн өөрчлөлтөөр орон нутагт ажилладаг төрийн захиргааны албан хаагчийн цалинг 20-100 хүртэл хувиар нэмэгдүүлэх юм. Энэ нэмэгдлийн 20 хүртэлх хувийг ирэх оны төсөвт суулгах бол, үлдэх 80 хүртэлх хувийн нэмэгдлийг орон нутагт өөрөө шийдвэрлэх эрхийг нь олгож байгаа юм.

Ингэснээр алслагдсан аймаг орон нутгийн төрийн албан хаагчдын цалин хоёр дахин нэмэгдэх бодит боломж бий болж байна. Цалингийн нэмэгдэл, ипотекийн зээлийн хөнгөлөлт зэрэг Засгийн газрын олон цогц бодлогын нийлбэр нь том утгаараа орон нутагт БҮСИЙН НЭМЭГДЭЛ болж хэрэгжих юм.