Энэ амралтын өдөр буюу /2022.06.19/-нд "АзтайСавар" ТББ-ын “Амьтад Амьдрах Эрхтэй” төслийн хүрээнд зохион байгуулж буй BePawsitive-2 өдөрлөг болно. Тус өдөрлөгийн үеэр “Гэрийн тэжээвэр амьтны тухай хуулийн төсөл”-д санал авах арга хэмжээ болно гэдгийг УИХ-ын гишүүн Б.Энхбаяр мэдээллээ.

BePawsitive-2 өдөрлөгийн хүрээнд

• - хүмүүст аюулгүй,
• - гэрийн тэжээвэр амьтанд ээлтэй нийгмийг бий болгох,
• - амьтан тэжээж байгаа хүмүүсийн хариуцлагыг сайжруулах,
• - хяналтгүй үржүүлэг болон амьтан харгислалыг зогсоох,
• - гэрийн тэжээвэр амьтдын тоо толгойг энэрэнгүй аргаар хязгаарлах зорилго бүхий "Гэрийн Тэжээвэр Амьтны Тухай Хууль"-ийн төсөлтэй танилцан, саналаа өгч өөрийн хувь нэмрээ оруулаад зогсохгүй амьтанд хайртай хүмүүстэй болон өөрийн хайртай гэрийн тэжээвэр амьтадтайгаа өдрийг зугаатай өнгөрүүлээрэй.

Та өдөрлөгт хүрэлцэн ирснээр:

• ⁃ "Гэрийн Тэжээвэр Амьтны Тухай Хууль”-ийн төсөлтэй танилцах, санал өгөх
• ⁃ Амьтантайгаа хамт хөгжөөнт тэмцээнд оролцох
• ⁃ Амьтдынхаа сарвуу, хоншоор зэргээр урьдчилж бэлдсэн цаас, эко тор, үүргэвч болон футволкон дээр зуруулан авах
• ⁃ Тусгай чимэглэсэн хэсэгт зургаа авхуулаад тэр дор нь хэвлүүлэн авах
• ⁃ Хайртай амьтантайгаа танилцсан болон хамтдаа өнгөрүүлсэн дурсамжуудаа хуваалцах бусад азтай савруудын түүхтэй танилцах
• ⁃ Үрчлүүлэх нохой, мууруудын тусгайлан бэлдсэн зураг, танилцуулгыг үзэхээс гадна “Азтай савар - Амьтанд Хайртай Залуус” фэйсбүүк группээс гэрийн тэжээвэр амьтан хэрхэн үрчилж авах, шаардлага, бэлтгэх зүйлс зэргийн талаар зөвлөгөө авах
• ⁃ Азтай саврын нэрийн бүтээгдэхүүн болон хамтрагч байгууллагуудын борлуулдаг амьтны хэрэгсэл, хоол худалдан авах
• ⁃ “Азтай савар - Амьтанд Хайртай Залуус” ТББ-т мөнгөн болон биет хандив өргөх
• ⁃ Дуудлага худалдаанд оролцон “Азтай савар - Амьтанд Хайртай Залуус” ТББ-д хандив өргөх боломжтой.

Өдөрлөгийн линк: https://fb.me/e/eR4rY1VXh

Сэтгүүлч

Сэтгүүлч Э.Намуунаа namuunaa@vip76.mn