2021 оны тавдугаар сарын 1-нээс вакцинжуулалтад хамрагдсан иргэдэд хилээ нээх асуудлыг судалж байгаа гэдгийг Ерөнхий сайд Л.Оюун-Эрдэнэ хэллээ.

Тэрбээр өнөөдөр аялал жуулчлалын салбарынхантай уулзаж байгаа бөгөөд хил нээх асуудлыг судалж, Засгийн газрын хуралдаанд танилцуулахаар ажиллаж байна гэлээ.

Тэрбээр энэ талаар “Тавдугаар сарын 1-нээс хил нээх эсэх шийдвэр нь хоёр зүйлээс шалтгаална. Вирусийн халдвар гэдэг гарт баригдаж, нүдэнд үзэгдэхгүй учраас хүндрэл их байна. Бид халдвар хамгааллын дэглэмийг сайтар барьж энэ хугацаанд хүн амын 50-иас дээш хувийг вакцинжуулж чадвал хил нээх боломжтой гэж үзэж байна. Ямартай ч бид асуудлыг судалж Засгийн газрын хуралдаанд танилцуулна” гэлээ.