Банкнуудын зээлийн хүүгийн дээд хязгаарыг хуульчлах саналыг УИХ-ын гишүүн С.Эрдэнэ УИХ-д гаргаж, холбогдох хуулийн төслийг өргөн мэдүүлээд байна.

УИХ-ын гишүүн С.Эрдэнэ: Зээлийн хүүгийн дээд хязгаараас давсан хүү тогтоосон тохиолдолд хууль зөрчсөн буюу мөнгө хүүлэлтийн эсрэг хуульд хамруулж, хариуцлага тооцохоор энэ хуулийг санаачилсан. Энэ хуулийг хэрэгжүүлснээр Монгол Улсдаа бизнес эрхлэх таатай орчныг бий болгох, иргэд аж ахуй нэгж байгууллагуудын зээлийн хүүгийн дарамтаас ангижруулах гэх мэт хууль эрх зүйн орчныг бүрдүүлэх зорилго агуулж байна.

Мөн мөнгө хүүлэлтийн тухай ойлголт бүрхэг байгаа. Үүнийг өөрчлөх үүднээс бие даасан хууль гаргах шаардлагатай гэж УИХ-ын гишүүн С.Эрдэнэ тайлбарлалаа.