Ойрын өдрүүдэд ихэнх нутгийг хамран орсон борооны улмаас гол мөрний усны түвшин эрс нэмэгдээд байна.

Онцгой байдлын ерөнхий газрын харьяа төв, орон нутгийн Онцгой байдлын газар, анги байгууллагаас өчигдөр болсон сонгуулийн үеэр үер, усны ослоос урьдчилан сэргийлэх, албаны бэлэн байдлыг хангах, сонгуулийг хэвийн явуулахад дэмжлэг үзүүлэх, гол ус гаталж сонгуульд оролцох үед иргэд, сонгогчдын аюулгүй байдлыг ханган шаардлагатай техник хэрэгслийг дайчлан  ажиллалаа.

Үүнд: Архангай аймгийн Цэцэрлэг, Хангай сумдад нийт 365 иргэнийг,

Булган аймгийн Сэлэнгэ, Тэшиг, Сэлэнгэ сумдад нийт 256 иргэнийг,

Ховд аймгийн Дуут суманд нийт 7 иргэнийг,

Өвөрхангай аймгийн Бат-Өлзий, Хужирт сумдад нийт 290 иргэнийг,

Сэлэнгэ аймгийн Сүхбаатар, Мандал сумдад нийт 117 иргэнийг,

Төв аймгийн Алтанбулаг суманд нийт 108 иргэнийг,

Увс аймгийн Тэс, Завхан, Ховд, Түргэн, Тариалан сумдуудад нийт 248 иргэнийг,

Хөвсгөл аймгийн Галт суманд нийт 348 иргэний аюулгүй байдлыг ханган ажиллав.

Нийт 8 аймгийн 17 суманд Онцгой байдлын асуудал эрхэлсэн байгуулллагын 86 албан хаагч, 29 техник хэрэгсэлтэйгээр ажиллаж 1739 сонгогчийг завь болон автомашинаар голоор гаргах, буцаах ажлыг зохион байгуулан ажилласан байна.