Өнгөрсөн долоо хоногт нийслэлд болсон үерийн улмаас олон айлд гарз хохирол учирсан. Баянзүрх, Хан-Уул дүүрэгт л гэхэд 126 айл орон гэргүй болж, зургаан хүн амь насаа алдсан юм.
Баянзүрх дүүргийн 14, 13,19 дүгээр хороонд үүссэн нөхцөл байдал, учирсан хохиролтой тус дүүргээс сонгогдсон УИХ-ын гишүүд танилцан арга хэмжээг авлаа. Баянзүрх дүүргээс сонгогдсон УИХ-ын гишүүн Ч.Сайханбилэг, Д.Ганхуяг, З.Алтай, Ц.Батбаяр нар орон гэргүй болсон айл өрхүүдэд болон эвдэрсэн барилга байшингийн засварын ажилд зориулан тусламжийн гараа сунгаж зургаан сая төгрөгийн хандив өгчээ.