“Үндэсний цэцэрлэгт хүрээлэн” НӨҮГ нь гадаад харилцаа, хам­тын ажиллагааны хүрээнд ах дүү хо­тууд, ОУ-ын байгууллага бо­лон нийгмийн хариуцлагатай аж ахуйн нэгж, байгууллага, иргэд­тэй хамтран ажилладаг билээ.

Үүний нэг жишээ бол “Сөүлийн ой төгөл” юм. Сөүл хот болон Улаанбаатар хот нь анх 1995 онд ах дүүгийн найрамдалт харилцаа тог­тоосноос хойш эдийн засаг хам­тын ажил­ла­гааны хүрээнд хоёр хотын хөг­жил дэв­шил, хот бай­гуулалт, ногоон бай­гууламжийг нэмэг­дүүлэх бо­лон мэргэжилтэн бэлтгэх чиглэ­лээр олон талт ажлууд зохион бай­гуулж ирсэн билээ. 

2009 онд Улаан­баатар хотноо айлчилсан Сөүл хотын дарга асан У Сэ Хүн-ний айлчлалын хүрээнд зурагдсан са­намж бичигт манай талаас са­нал болгосны үндсэн дээр Сөүл хотын нэрэмжит төгөл бай­гуу­лахаар болсон юм.

Ингээд Сөүл хо­тын 100 хувийн хөрөнгө оруу­лал­таар Үндэсний цэцэрлэгт хү­рээлэнгийн ерөнхий төлөвлөгөө зураг төслийн дагуу 1,6 га талбайг хамарч Солонгосын уламжлалт гүн ухааны шийдлийг харуулсан дүрс­лэлтэй хийгдсэн.

Тэгвэл Үн­дэс­ний цэцэрлэгт хүрээлэн НӨҮГ нь 2015 онд багагүй бүтээн бай­гуулалт хийхээр төлөвлөөд бай­­гаагийн нэг нь Сөүл хотын нэ­рэм­жит хүүхдийн тоглоомын тал­байн ажил юм байна. Энэхүү хүүх­дийн тоглоомын талбайн ажил энэ онд эхлэх гэнэ. Мөн Эко танхим, Хүүх­дийн номын сан байгуулж, Цаг­­даагийн талбайн орчны тохи­жил­тын ажлыг хийх гэнэ.