Гадаадын иргэн харьяатын асуудал эрхлэх газрын төлөөлөл монгол улсын 25 хилийн боомтод ажиллаж байна. Шинэ он гарсаар эхний 2 сарын хугацаанд Буянт-Ухаа боомт болон Баян-Өлгий , Дорноговь , Дорнод , Өмнөговь , Сүхбаатар , Сэлэнгэ , Ховд аймгийн хилийн боомтууд орох , гарах- орох , дамжин өнгөрөх ангиллын нийт 503 виз олгосон байна. Мөн Баян-Өлгий, Дорноговь, Дорнод, Өмнөговь, Сүхбаатар, Сэлэнгэ, Ховд, Хөвсгөл, Увс аймгуудад байрлах боомтуудаар давхардсан тоогоор хил орчмын нутагт зорчих үнэмлэхээр зорчсон гадаадын 3398 иргэнийг бүртгэж, 3395 иргэнийг бүртгэлээс хассан байна.

Энэ хугацаанд хилийн боомтуудаар зорчсон 107485 / давхардсан тоогоор/ гадаадын иргэний бичиг баримтад шалгалт хийж ирсэн зорилгоо тодорхойлж чадаагүй, хөрөнгийн тодорхой эх үүсвэргүй, 87 гадаадын иргэнийг хилээр нэвтрүүлэлгүй буцаасан байна.

Энэ хугацаанд Буянт-Ухаа боомт , Баян-Өлгий , Дорноговь , Дорнод , Өмнөговь аймагт үйл ажиллагаагаа явуулдаг манай албаныхан зөрчил гаргасан гадаадын 26 иргэн, 3 аж ахуйн нэгж байгууллагыг, Мөн Сүхбаатар , Сэлэнгэ , Ховд аймагт нийт 15 орны 126 гадаадын иргэн, 2 аж ахуйн нэгж байгууллагыг Гадаадын иргэний эрх зүйн байдлын тухай хуулийн дагуу нийт 32 сая гаруй төгрөгийн торгуулийн арга хэмжээ авсан байна. Өнгөрсөн 2 сарын хугацаанд Дорноговь, Өмнөговь, Ховд, Сүхбаатар аймгийн хилийн боомтоор нийтдээ гадаадын 30 иргэнийг албадан гаргажээ.