УИХ-ын чуулганы /2025.04.03/-ны өдрийн хуралдаанаар  Монгол Улсын үндсэн хуулийн цэцийн 2025 оны 2-р дүгнэлтийг хэлэлцлээ.

Хэлэлцэж буй асуудалтай холбогдуулан гишүүд байр сууриа илэрхийллээ.

УИХ-ын гишүүн С.Бямбацогт:

УИХ-ын ҮХЦ-ийн дунд суудлын хуралдааны дүгнэлт орж ирж байна. Үүн дээр УИХ-ын гишүүд анхааралтай хандмаар байна. УИХ-ын гишүүдийн бүрэн эрхийг хязгаарласан Цэцийн дүгнэлтийг бид хүлээгээд авчихсан. Уг нь УИХ-ын гишүүдийн бүрэн эрх 4 жилийн хугацаатай. Цэцийн дүгнэлт хүлээж авсанаар бидний бүрэн эрх 3,6 жилийн хугацаатай болчихсон. Энэ удаагийн дүгнэлтийг хүлээж авах нь зүйтэй хэмээн харж байгаа. Шүүгчийн нас болон шүүгчийн бүрэн эрхтэй холбоотой асуудал.

Шударга үнэнийг дэнсэлдэг, хараат бус, бие даасан үйл ажиллагаа явуулах ёстой. Цэцийн дүгнэлт ч үүнтэй холбоотой. 2019 онд бид үндсэн хуулийн нэмэлт өөрчлөлт хийсэн. Тэр үед үндсэндээ нийгмийн сэтгэл зүй болон ард иргэд "шүүх шударга биш болчихлоо шүүгч нар хараат болчихлоо, дохио зангаагаар ажилладаг болчихлоо, шударга үнэнийг дэнслэх шүүх чинь хамааралтай "хонгил угсарчихсан байна" гэх. Тэгвэл үүнийг нураая гээд 2019 онд үндсэн хуулийн өөрчлөлт хийсэн. 2021 онд энэ Шүүхийн тухай багц хуулийг баталсан. Олон сайн зүйлүүд хийсэн. Тухайлбал, шүүхийн сахилгын хороо шинээр байгуулагдсан. Шүүгч нарын ёс зүй сахилга хууль зөрчиж байгаа асуудал шийдэгддэг болсон гэх мэт. Харин энэ дунд шүүгчийн настай холбоотой асуудал байгаа. Ажилласан жил, насаар нь ялгаварлаж байна. Ийм хуулийг бид хийчихсэн! Үүнээс харахад давуу болон сул талтай зүйлс байна. Энэ талаар ҮХЦ-д олон удаа хандсан. Цэц дүгнэлтийг хүлээж аваад оруулж ирж байна. ҮХЦ-ийн дүгнэлтийг хүлээж аваад холбогдох хуульдаа өөрчлөлт оруулаад явах нь зүйтэй.

Сэтгүүлч

Сэтгүүлч Б.Хонгорсайхан