УИХ-ын гишүүн, ХЗДХ-ийн сайд асан Б.Энхбаяр, УИХ-ын гишүүн П.Сайнзориг, З.Мэндсайхан нар хамтран давхардсан чиг үүрэгтэй төрийн байгууллагуудын албан тушаалтнуудын цэгцлэх асуудлыг хөндөж, Ерөнхий сайд Л.Оюун-Эрдэнэд асуулт тавьжээ.

Тэрбээр "Хуулиар тогтоосон Засгийн газрын яам, агентлагаас гадуур чиг үүрэг давхардуулж байгуулсан зөвлөл, хороо, төв, комисс болон хуулиар хориглосон “бүтээмжийн менежер”, “хяналтын менежер” гэх мэт орлогч захирлын хангамж, цалинтай албан тушаалыг төрийн өмчийн компаниуд дээр бий болгож, улс төрийн авлига байдлаар бялуу хүртээж хуваарилж байгаа асуудлаар Засгийн газарт бүрэн эрхийнхээ хүрээнд асуулж тавьж байна" гэжээ.