2020.10.29
Эдийн засаг, Худалдаа

С.Бямбацогт: Бид Европын холбооны улсууд руу 7200 нэр төрлийн бараа бүтээгдэхүүн татваргүй гаргах боломжтой

УИХ-ын нэгдсэн чуулганы өнөөдрийн /2020.10.29/ ээлжит хуралдаан боллоо. Чуулганы хуралдаанаар Монгол Улсын Засгийн газар, Европын Холбоо хоорондын "Европын хөгжлийн сан болон Европын Холбооны нэгдсэн төсвөөс санхүүжих төслүүдэд үйлчлэх Монгол Улсын татварын болон гаалийн зохицуулалтын тухай ерөнхий хэлэлцээр"-ийг соёрхон батлах тухай хуулийн төслийг хэлэлцлээ.  

УИХ-ын гишүүд хуулийн төсөлтэй холбогдуулан асуулт асуулаа. 

УИХ-ын гишүүн С.Бямбацогт:

"Европын Холбооны Улсаас Монгол Улсад ямар ямар төслүүд хэрэгжиж байна. Ямар үр дүн, өгөөжтэй байна. Цаашдаа ямар төслүүдийг хэрэгжүүлэхээр төлөвлөж байна вэ? Эдгээрийн хэд нь буцалтгүй тусламж, хөнгөлттэй зээл вэ? Зээл, тусламж нэрээр орж ирээд ихэнх нь эдийн засагт шингэхгүй бичиг цаас, зөвлөх үйлчилгээ болгоод зарцуулчихдаг. Энэ алдаанцууд засагдаж байна уу?

Монгол Улс Европын холбоотой гэрээ байгуулж 7200 нэр төрлийн бараа бүтээгдэхүүнийг татваргүй гаргах эрхтэй болоод 10-аад жил болж байна. Монголд үйлдвэрлэсэн барааг европын холбооны оронд нийлүүлэхэд ямар ч татвар авахгүй гэсэн үг. Үүнийг бид хэр сайн эдэлж байна вэ? Миний ойлгож байгаагаар хангалттай сайн эдэлж чадахгүй байгаа. Засгийн газраас үйлдвэрлэлээ дэмжээд, ажлын байр бий болгоод, нэмүү өртөг шингээгээд, түүгээрээ төсвийн орлогоо нэмэгдүүлж, гадны зах зээл дээр гаргах тал дээр цаашид ямар дэмжлэг, бололцоо олгох гэж байна вэ?

Бид Европын холбооны улсууд руу 7200, Япон улс руу 5700 нэр төрлийн бараа татваргүй гаргах боломжтой байгаа. Үүнийг Засгийн газар хооронд хэлэлцээрээр баталгаажсан байдаг хэрнээ бодит байдалд үр дүнгүй байна. Шинэ Засгийн газар энэ боломжуудыг бизнес эрхлэгчид, иргэддээ гаргаж өгмөөр байна. Ингэвэл дэлхийн зах зээл дээр гарах боломж байна. Энэ хэрээр төсвийн орлого ч нэмэгдэнэ. Тиймээс Засгийн газар цаашид ямар бодлого барих вэ? Одоо ямар явцтай байна вэ?"

Түүний асуултанд Сангийн сайд Ч.Хүрэлбаатар хариуллаа. Үүний дараа УИХ-ын гишүүн С.Бямбацогт холбогдох албан тушаалтнаас нэмж тодруулан асуулаа.

Түүний асуултанд Сангийн яамны Хөгжлийн санхүүжилтийн газрын дарга И.Батхүү хариуллаа. 

ШИНЭ МЭДЭЭ

УИХ: Авлигын эсрэг хуульд өөрчлөлт оруулах тухай хуулийн төслийг баталлаа 2020.12.31
УИХ-ын дарга Г.Занданшатарт хуулийн төслийг өргөн барилаа 2020.12.30
С.Бямбацогт: Хэлэлцэх асуудалдаа ажил хэрэгч хандах хэрэгтэй 2020.12.30
Авлигын эсрэг хуульд өөрчлөлт оруулах тухай хуулийн төслийн эцсийн хэлэлцүүлгийг хийлээ 2020.12.30
ХЗБХ: Шүүхийн тухай хуулийн шинэчилсэн найруулгын төслийн анхны хэлэлцүүлгийг гурав хоног сунгалаа 2020.12.28
Хүний эрхийн Үндэсний Комиссын гишүүд тангараг өргөлөө 2020.12.28
УИХ: Улсын хэмжээнд ААН, байгууллагын 248.3 тэрбум төгрөг, айл өрхийн 228.8 тэрбум төгрөгийн төлбөрийг төрөөс хариуцна 2020.12.25
С.Бямбацогт: Хөл хориог хатуу баримтлахад ямар арга хэмжээ авах вэ? 2020.12.24
Цахилгаан, дулааны үнийг тэглэх шийдвэр гарсны маргааш эрчим хүчний хэрэглээ 21 хувь өсчээ 2020.12.24
ХЗБХ: УИХ дахь АН-ын бүлэг 3 хоногийн завсарлага авлаа 2020.12.22
ХЗБХ: Хуулийн төслүүдийг хэлэлцэхийг дэмжлээ 2020.12.22
ХЗБХ: Авлигын эсрэг хуульд өөрчлөлт оруулах тухай хуулийн төслийн анхны хэлэлцүүлгийг хийлээ 2020.12.22
C.Бямбацогт: Эрчим хүчний тусгаар тогтнол Эрдэнэбүрэнгээс эхэлнэ 2020.12.21
С.Бямбацогт: Хуулиар ёс жудгийг зохицуулах боломжтой юу? 2020.12.18
Эрдэнэсийн сангийн тухай хуулийн төслийг хэлэлцлээ 2020.12.17
Орон нутаг бие даан хөгжих орлогын эх үүсвэртэй байх боломжийг нээнэ 2020.12.17
УИХ-ын гишүүн С.Бямбацогт Эрчим хүчний сайдад хандан асуулга тавилаа 2020.12.17
С.Бямбацогт: Суманд улстөрждөг байдлыг таслан зогсоож чадах уу? 2020.12.17
Аймаг сумдын удирдлага өвс тэжээлийг малчдад цаг алдалгүй хүргэх шаардлагатай 2020.12.17
С.Бямбацогт: Энэ хуулийг дагаад 300 шахам хууль их, бага хэмжээгээр дагаж өөрчлөгдөнө 2020.12.15