Төрийн байгуулалтын байнгын хорооны хуралдаан
2014.01.20
Улстөр

Давхар дээл тайлах талаар АН, МАН өөр өөр байр суурьтай байна

Монгол улсын Ерөнхийлөгчөөс Засгийн Газрын тухай хуулийг өргөн мэдүүлсэн билээ. УИХ-ын төрийн байгуулалтын байнгын хороогоор уг асуудлыг хэлэлцлээ. Асуудлын гол нь УИХ-ын гишүүн Засгийн Газрын гишүүний үүргийг давхар гүйцэтгэж болох уу үгүй юу гэдэгт оршиж байна. Уг асуудлаар АН, МАН-ын бүлгүүд өөр өөр байртай суурьтай байна.

УИХ-ын гишүүн, МАН-ын бүлгийн дарга С.Бямбацогт:

Том төрөөс ухаалаг төр лүү шилжих ажлыг заавал 2016 оны 7 дугаар сарын нэгнээс биш 2014 онд буюу эртхэн хийвэл зүйтэй гэж үзэж байна. Энэ оны 7 дугаар сараас давхар дээлээ тайлж, дан дээлтэй болъё гэсэн уриалгыг МАН-ын бүлгээс гаргаж, байнгын хорооны хурлаар хэлэлцүүлэхээр боллоо.

2000 онд Ардчилсан Эвсэл төрийн эрх барьж байхдаа Үндсэн Хуулинд долоон өөрчлөлт оруулж дордуулсан. Давхар дээлийг тайлах тухай 2008 оноос эхэлж яригдсан.

УИХ-ын гишүүн М.Энхболд:

Сонгуулийн үр дүнгээс шалтгаалж УИХ-ын гишүүн Засгийн Газрын гишүүн байх тоо нь өөр байх ёстой гэж АН-ын бүлгийн дарга ярьж байна. Засгийн Газар, УИХ-ын ажлын чанар, хариуцлага, хяналтыг сайжруулъя гэж бид давхар дээл тайлах тухай ярьж эхэлсэн. Д.Эрдэнэбат гишүүн тухайн хүний ажлын ачаалал даах чадварыг харгалзалгүй, ямар нэгэн хүнд албан тушаал олгохыг хичээгээд байх шиг. Энэ нь Ерөнхийлөгчийн санал болгосон хуулийн үндсэн санаатай зөрчилдөж байна.

Ийнхүү МАН-ын бүлэг УИХ-ын гишүүн Засгийн Газрын гишүүн байж огт болохгүй гэсэн байр суурьтай байна. Гэтэл давхар дээл арав гаруй жилийн өмнө бий болсон бөгөөд өмнөх засгийн газрууд ч ийм байдалтай ажилласаар ирсэн. Өөрөөр хэлбэл өнөөдрийн сөрөг хүчин бас л давхар дээлтэй байж хяналт, хариуцлага муутай ажилласан гэдгээ эдүгээ хүлээн зөвшөөрч байна гэсэн үг.

М.Энхболд 2006-2007 онд Монгол улсын Ерөнхий сайдаар ажиллаж байсан. Тэр үед 17 сайдын 15 нь давхар дээлтэй ажиллаж байсныг хэлэх хэрэгтэй.

Давхар дээл гэдэг нэр томъёо Монгол Улсын Ерөнхийлөгч Ц.Элбэгдоржоос гаралтай. Давхар дээлний асуудлыг УИХ-ын байнгын хорооны хурлаар авч хэлэлцлээ.

УИХ-ын гишүүн С.Бямбацогт:

Үндсэн хуулинд заасан зарчмаа хэрэгжүүлье гэсэн байр суурийг л бид илэрхийлж байна. Гэтэл эрх баригчид 2016 оныг хүртэл ухаалаг бус, данхайсан том төртэй байя гэсэн зүйл яриад албан тушаалтайгаа зууралдаад байна.

ШИНЭ МЭДЭЭ

Хууль зүй, дотоод хэргийн салбараас гурван генерал мэндэллээ 2016.12.28
Иргэний улсын бүртгэлийн тухай хуулийн шинэчилсэн төслийг өргөн мэдүүлэв 2016.12.27
Эд хөрөнгийн эрхийн улсын бүргэлийн тухай хуулийн шинэчилсэн найруулгын төслийг өргөн мэдүүллээ 2016.12.27
Улсын бүртгэлийн ерөнхий хуулийн шинэчилсэн төслийг өргөн мэдүүлэв 2016.12.27
Эрүүгийн хуульд нэмэлт өөрчлөлт оруулна 2016.12.27
Согтууруулах ундаа хэтрүүлэн хэрэглэсэн этгээдийг албадан эрүүлжүүлэх тухай хуулийг өөрчилнө 2016.12.27
Эрхээ хасуулсан этгээд согтуугаар жолоо барьсан бол баривчлах нь зүйтэй, торгох нь оновчгүй гэж үзлээ 2016.12.26
Гадаадын хөрөнгө оруулалттай банк хадгаламж татахгүй 2016.12.22
Эмнэлэг бус, цагдаагийн байгууллага албадан эрүүлжүүлнэ 2016.12.22
Хууль төрөх, хэрэгжих явцад дагаж мөрдөх 6 төрлийн аргачлал боловсруулжээ 2016.12.21
ШШГБ-ын 50 алба хаагч шинэ орон сууцтай боллоо 2016.12.20
Иргэний хэрэг шүүхэд хянан шийдвэрлэх тухай хуулиар хэлэлцүүлэг хийлээ 2016.12.20
Паралимпийн хүрэл медальт Э.Содномпилжээд 3 өрөө байрны түлхүүр гардуулан өглөө 2016.12.19
Замын хөдөлгөөний аюулгүй байдлын тухай хуульд өөрчлөлт оруулна 2016.12.19
Хууль тогтоомжийн тухай хуульд нэмэлт өөрчлөлт оруулна 2016.12.19
Гэр бүлийн хүчирхийлэлтэй тэмцэх тухай хуулийг эцсийн хэлэлцүүлэгт шилжүүлэв 2016.12.15
Төрийн өмчийн бодлого, зохицуулалтын газрын дарга мэдээлэл хийв 2016.12.14
С.Бямбацогт: Төрийн банк 1,5 их наяд төгрөгийн өр төлбөртэй байгаа нь хамгийн ихэд тооцогдож байна 2016.12.14
ХЗДХ-ийн сайд С.Бямбацогтын санаачилгаар ХСИС-ийн дэргэд 200 хүүхдийн цэцэрлэгтэй боллоо 2016.12.12
Хүүхдүүд аав ээжийнхээ ажлын газартай танилцав 2016.12.10