Хууль зүй, дотоод хэргийн сайд Х.Нямбаатар “Дэлхийн шударга ёсны төсөл” байгууллагын үүсгэн байгуулагч, Гүйцэтгэх захирал Уильям Ньюком, Ерөнхий захирал Элизабет Андерсен нартай 2023 оны 06 дугаар сарын 12-ны өдөр цахим уулзалт хийлээ.

Уулзалтын үеэр талууд тус байгууллагаас эрхлэн гаргадаг Эрх зүйт ёсны индексийн жагсаалттай холбогдуулан төрийн байгууллагын нээлттэй, ил тод байдал, төрийн эрх мэдлийн хязгаарлалт, иргэдийн үндсэн эрх, эрх чөлөөг хангах, авлигатай тэмцэх зэрэг сэдвээр санал солилцож, Хууль зүй, дотоод хэргийн сайд Х.Нямбаатар дээрх чиглэлээр тус яамнаас хэрэгжүүлж буй арга хэмжээний талаар мэдээлэл өгөв.