Улсын Их Хурлын Байгаль орчин, хүнс, хөдөө аж ахуйн байнгын хороо өнөөдөр /2022.10.04/ хуралдлаа. Хуралдаанаар Монгол Улсын Их Хурлын 2022 оны намрын ээлжит чуулганы 10 дугаар сард БОХХААБХ-ны эрхлэх асуудлын хүрээнд хамаарах хууль, Улсын Их Хурлын бусад шийдвэрийн төслийг хэлэлцэх, хяналт шалгалт хийх цаглаварыг баталж, дараах 3 асуудлаар Байгаль орчин, аялал жуулчлалын сайдын мэдээлэл сонслоо.

Үүнд:

1. Монгол Улсын Ерөнхийлөгчийн санаачилсан “Тэрбум мод” Үндэсний хөдөлгөөний хэрэгжилтийн талаар;
2. Байгаль орчин, хүнс, хөдөө аж ахуйн байнгын хорооны 2022 оны 05 дугаар сарын 10-ны өдрийн “Тусгай хамгаалалттай газар нутгийн тухай хуулийн хэрэгжилтийг хангах зарим арга хэмжээний тухай” 08 дугаар тогтоолын хэрэгжилтийн талаар;
3. Өвөлжилтийн бэлтгэл ажлын талаарх Орчны бохирдлыг бууруулах үндэсний хорооны мэдээллийг сонсож, Байнгын хорооны гишүүд холбогдох асуудлаар асуулт асууж, тодруулга авлаа.

Сэтгүүлч

Сэтгүүлч Ц.Соёлмаа soyolmaa@vip76.mn