УИХ-ын хурлын гишүүн Б.Саранчимэгийн санаачилгаар өнгөрсөн амралтын өдрүүдэд "Эмэгтэйчүүдийн хөгжлийн сургалт"-ыг зохион байгууллаа.

Тус сургалтад ирсэн 300 гаруй эмэгтэйчүүдэд "Рояаль Олон Улсын Их сургууль"-ийн Ерөнхий захирал Ч.Сэлэнгэ “Эмэгтэйчүүдийн манлайлал” сэдвээр, НҮБ-ын Аж үйлдвэржилтийн хөтөлбөрийн (UNIDO) Монгол дахь хөтөлбөрийн зохицуулагч Г.Мөнхболор “Уламжлалт нүүдлийн МАА-д үйлдвэржилтийг нэвтрүүлэх боломж, үр ашиг” сэдвүүдээр лекц уншиж, сонирхолтой яриа өрнүүллээ.

Мөн энэ үеэр үндэсний цэцэрлэгт хүрээлэнгийн бүтээн байгуулалттай танилцаж, мод арчлах, услах ажлыг хийлээ.