Засгийн газрын хуралдааны дараах мэдээллийн үеэр хотын хэмжээнд хүнсний дэмжлэг шаардлагатай хүүхдүүдийн талаар Нийслэлийн Засаг дарга Д.Сумъяабазар мэдээлэл өглөө.

Тэрбээр "Улсын хэмжээнд 44,282 эрсдэлт бүлгийн хүүхэд байгаагаас Улаанбаатар хотод 30.8 хувь нь байна. Нийслэлийн халамжийн газар, БШУЯ, нийслэлийн ЗДТГ хамтран эдгээр хүүхдэд туслалцаа үзүүлэх талаас нь шийдвэр гаргана.

Улаанбаатар хотын хэмжээнд хүнсний тусламж үзүүлэх шаардлагатай өрхийн тоог нийслэлийн Халамжийн газар гаргаад эхний ээлжинд бид түлш, дараа нь хүнсний туслалцаа үзүүлэх чиглэлээр ажиллана. Хотын хэмжээнд хүнсний дэмжлэг зайлшгүй шаардлагатай ЕБС-ийн 25,636 мянган суралцагч байгаагаас 7,900 нь тусламжид хамрагдсан" гэлээ.