"МОНГОЛЧУУД" ярилцлага нэвтрүүлгээр УИХ-ын Гишүүн Н.Учралтай цаг үеийн асуудлаар ярилцлаа.

Сайн жишээ бол Сингапурыг нэрлэж болно. Би өөрөө очиж танилцаж үзсэн. Мөн сая Швейцарт дэлхийн оюуны өмчийн байгууллагуудтай уулзаж энэ талаараа санал солилцож хуульдаа тодорхой санал авсан. Манай улсын оюуны өмчийн байгууллагыг бүртгэлийн байгууллагаасаа салгаж авсан нь хамгийн том дэвшил болж олон улс үнэлж байна. Хэрэв эдийн засгийн эргэлтэд оруулах эрхзүйн орчноо бүрдүүлчих юм бол дэлхийтэй өрсөлдөж гадны хөрөнгө оруулалтыг татах сайн боломж бүрдэнэ. Гадны хөрөнгө оруулалтын урсгалыг татъя гэвэл оюуны өмчөө сайн хамгаалаарай. Залуу үеэ хойч үеэ дэмжье гэвэл санааг нь хөрөнгө болгоорой гэж олон улсын өмчийн байгууллагууд зөвлөж байна.