УУХҮ-ийн сайд Д.Сумъяабазар Япон улсад хийж буй Ерөнхий сайдын айлчлалын талаар тодруулга ярилцлага өгчээ. Бүс нутгийн хамтын ажиллагааны хүрээнд Монгол, Япон улс нэг зорилготой байна гэдгийг тэрээр ярилцлагынхаа үеэр онцолжээ. 

УУХҮ-ийн сайд Д.Сумъяабазар: Монгол Улсын Ерөнхий сайдын албан ёсны айлчлал өндөр хэмжээнд зохион байгуулагдлаа. Гуравдагч хөрш Япон улс 1990-ээд оны эхэн үеэс стратегийн түншлэлийн хүрээнд маш олон туслалцаа, хамтын ажиллагааг өргөжүүлж ирсэн. Айлчлалын бүрэлдэхүүнд орсон сайдын хувьд хэлэхэд энэ удаагийн айлчлалыг стратеги түншлэлийн хүрээнд, эдийн засгийн хамтын ажиллагааны хүрээнд амжилттай айлчлал боллоо гэж харж байна.