Нийслэлийн Агаарын чанарын алба агаарын бохирдолд хэмжилт хийжээ. Тэд хязгаарлалтын бүсэд багтсан төвийн нутаг дэвсгэрийн орчны агаар дахь тоос, угаарын хий, хүхэрлэг хий, азотын хийн агууламжийг тодорхойлсон байна. Энэхүү шинжилгээний дүнг 2009 онд хийсэн орчны шинжилгээний дүнтэй харьцуулахад хорт хийн агууламж 4,3-17,7 дахин багассан дүн гарчээ. Энэ нь ойрын 2-3 жилийн мөн үетэй харьцуулахад агаарын чанар харьцангуй сайжирч буйг харуулж байгаа аж.