УИХ-ын чуулганы нэгдсэн хуралдаанаар Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон БНХАУ-ын Засгийн газар хоорондын хэлэлцээрийг соёрхон батлах тухай хуулийн төсөл болон холбогдох бусад хуулийн төслийг баталлаа.

1955 оноос хойш буюу 70 жилийн дараа хоёр улсын хооронд хийгдэж буй гэрээ хэлэлцээрийг энэ удаагийн 126 гишүүнтэй парламент соёрхон баталсан нь түүхэн үйл явдал болж байна.

Энэхүү хэлэлцээрийн үр дүнд манай улсын нүүрсний экспорт нэмэгдэж, Үндэсний баялгийн сангийн тухай хуулийн хэрэгжилт эрчимжиж, баялгийн үр өгөөжийг иргэн бүрд тэгш, шударга хүртээх боломж бүрдэнэ гэж үзэж байна.