Ази тивийн ахмадын аварга шалгаруулах 13 дахь удаагийн шатрын тэмцээний нээлтийн ёслолд УИХ-ын гишүүн П.Батчимэг оролцлоо.

Энэ удаагийн Ази тивийн ахмадын аварга шалгаруулах тэмцээнд 9 орны 70 орчим тамирчид оролцох мэдүүлгээ өгсөн бөгөөд анх удаа манай улсад зохион байгуулагдаж байгаа нь нэр хүндтэй, ач холбогдол өндөр, цар хүрээ өргөн чухал онцлогтой болж байна.

П.Батчимэг гишүүн хэлэхдээ “Монголын шатрын спорт үүсэж хөгжихдөө 15 Олон Улсын Их Мастер цолтон төрүүлсэн нь манай улсад шатрын спортын нэр хүнд өндөр, оюуны спортыг хөгжүүлэх явц эрчимтэй хөгжиж, уг спортыг улс даяар дэмжиж ирснийг илтгэж буй.

Тус тэмцээнд оролцож буй гадаадын болон Монгол улсын олон арван оюуны чадавхи чансаа өндөр ноён оргилууд, мөн үе үеийн алдартнууд их мастерууддаа амжилт хүсэж, талархал илэрхийлье. Тус тэмцээнийг зохион байгуулалтын өндөр түвшинд, ур чадвар сайтай, амжилттай сайн зохион байгуулсан Олон Улсын Шатрын Их Мастер, Олон Улсын Шатрын Холбооны Глобал Бодлогын Зөвлөлийн Гишүүн, Ерөнхий зохион байгуулагч А.Энхтуулдаа  баяр хүргэж, тэмцээнд нь амжилт хүсье” гэсэн юм. 

Түүнчлэн Ахмад парламентч, шатрын нэрт зүтгэлтэн Д.Лүндээжанцан хэлсэн үгэндээ үе үеийн Парламентийн гишүүд шатрын спортыг эх орондоо хөгжүүлэхэд тодорхой бодит хувь нэмрээ оруулж, бодлогоор дэмжиж ирснийг санууллаа.