УИХ-ын чуулганы өнөөдрийн /2022.12.15/ хуралдаанаар Эрүүгийн хуульд нэмэлт өөрчлөлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.

УИХ-ын гишүүн Б.Энхбаяр:

Авлигын гэмт хэргийг илрүүлдэг, хянадаг, шүүхийн байгууллагыг боловсронгуй болгох ёстой. Зөвхөн ялын бодлогыг нэмэгдүүлээд авлигатай тэмцэнэ гэвэл “үлгэр” болно. Шалгадаг, илрүүлдэг байгууллага хэн нэгний захиалгаар хонгил угсардаг болболулс төрчийн өрсөлдөгчөө намнадаг, бизнесийн булаадаг. Иймд энэ асуудлыг хэрхэн шийдэх вэ? Ард түмэн авлигатай холбоотой бүх хүмүүст хариуцлага ногдуул гэж байна. Хуульд хахуул өгсөн, авсан аль алиныцаазална, яллана гэвэл хахуул өгсөн хүн илчлэхээ больж, хахуул авсан нь хожоод явна.

Иймд эрүүгийн хуулийг ухаалгаар гаргах ёстой. 2017 оноос өмнө өгснөө сайн дураараа хэлбэл хариуцлага тооцдог байсан. Харин 2017 оноос хойш сайн дураараа хахуул өгснөө илчилбэл эрүүгийн хариуцлагаас чөлөөлнө гэсэн ухаалга бодлого хэрэгжсэн. Ард иргэд хялбаршуулсан журмаа авч хая гэж байгаа. Энэ журмаар хэрэг хянан шийдвэрлэснээс хойш авлига албан тушаалын хэргийн илрүүлэлт, үүнээс үүссэн хохирлыг барагдуулах байдалд хэр их өссөн бэ. Энэ хөшүүрэг алга болбол гол авлига авсан хүнээ хэлэхгүй байх боломжтой.

Түүний асуултад ажлын хэсгийн гишүүд хариуллаа.