Улсын бүртгэлийн ерөнхий газар болон Дотоод хэргийн их сургууль хамтран ажиллахаар хэлэлцэж өнөөдөр /2021.10.13/ санамж бичигт гарын үсэг зурлаа.

Дотоод хэргийн их сургууль Хууль зүй, дотоод хэргийн сайдаас өгсөн чиглэлийн дагуу “Эрх зүй” хөтөлбөрийг улам өргөжүүлэн 2021-2022 оны хичээлийн жилд төгсөх ангийн оюутнуудыг “Эрх зүй-улсын бүртгэл судлал”-аар мэргэшүүлэн төгсгөх хөтөлбөр эхлүүлээд байна.

Улсын бүртгэлийн ерөнхий газрын дарга Д.Дэлгэрсайхан Дотоод хэргийн их сургуулийн удирдлагуудад талархлаа илэрхийлээд “Улсын бүртгэлийн байгууллага нь сүүлийн жилүүдэд техник, тоног төхөөрөмжийн шинэчлэлт, хөгжүүлэлт, бүртгэлийн үйлчилгээний цахимжилт дээр олон ажлыг санаачлан хийж хэрэгжүүлж байгаа бөгөөд үүний зэрэгцээ хүний нөөцийн бодлого, боловсон хүчний тал дээр анхаарч ажилладгийн нэг жишээ нь Улсын бүртгэлийн ерөнхий газар, Дотоод хэргийн их сургуультай санамж бичиг байгуулж, гарын үсэг зурж байгаа өнөөдрийн үйл ажиллагаа юм. Энэхүү хөтөлбөрийн үр дүнд мэргэшсэн боловсон хүчин бэлтгэгдэх давуу талтай хэмээн харж, түүгээр ч зогсохгүй одоо ажиллаж байгаа албан хаагчдад зориулсан тусгай хөтөлбөр хэрэгжүүлэх бүрэн боломжтой болж байгаа нь улсын бүртгэлийн байгууллагын үйл ажиллагаа илүү өргөн цар хүрээтэй болоход дэмжлэг болохуйц, чухал ач холбогдолтой ажил болж байна” хэмээн уулзалтын үеэр онцлон дурьдлаа.

Хамтын ажиллагааны хүрээнд хоёр тал сургалт, эрдэм шинжилгээ, судалгааны болон бусад холбогдох үйл ажиллагааны чиглэлээр хамтран ажиллах юм.

Өнөөдрийн арга хэмжээнд Улсын бүртгэлийн ерөнхий газрын дарга Д.Дэлгэрсайхан, Эд хөрөнгийн эрхийн улсын бүртгэлийн газрын дарга Б.Ариунболд, Бодлого төлөвлөлт, дүн шинжилгээний газрын дарга Т.Гантөмөр, Төв аймаг дахь Улсын бүртгэлийн хэлтсийн дарга Н.Энхбат, Тамгын газрын Хамтын ажиллагаа, сургалтын хэлтсийн ахлах мэргэжилтэн Л.Өнөртуяа болон Дотоод хэргийн их сургуулийн захирал, доктор (Ph.D), профессор, цагдаагийн хурандаа П.Батбаатар, Сургалт эрхэлсэн дэд захирал, доктор (Ph.D), дэд профессор, цагдаагийн хурандаа Д.Эрдэнэбаатар, Хангалт үйлчилгээний газрын дарга, цагдаагийн хурандаа Д.Батбилэг, Эрх зүй, нийгмийн ухааны сургуулийн захирал, цагдаагийн хурандаа Ч.Болдбаатар, Эрх зүй, нийгмийн ухааны сургуулийн Хувийн эрх зүйн тэнхимийн эрхлэгч, цагдаагийн хурандаа Ш.Ариунбилэг, Захиргааны удирдлагын газрын Бодлого, төлөвлөлтийн албаны дарга, цагдаагийн дэд хурандаа С.Болдбаатар, Захиргааны удирдлагын газрын Гадаад харилцаа, хамтын ажиллагааны албаны дарга, цагдаагийн дэд хурандаа Г.Базарваань зэрэг холбогдох албаны хүмүүс оролцов.