Ё.Баатарбилэг: Монополь ганц хоёр компанийн хямдхан үнэтэй, үйлчилгээний чанар муутай эмүүдээр хангадаг
УИХ-ын чуулганы өнөөдрийн /2020.10.23/ нэгдсэн хуралдаанаар Засгийн газраас 2019 оны 05 дугаар сарын 03-ны өдөр УИХ-д өргөн мэдүүлсэн "Эм, эмнэлгийн хэрэглэгдэхүүний тухай хуулийн шинэчилсэн найруулга"-ын төслийн үзэл баримтлалын хувьд хэлэлцэх эсэхийг хэлэлцлээ.
Хуулийн төсөлтэй холбогдуулан УИХ-ын гишүүд асуулт асууж, санал хэллээ.
УИХ-ын гишүүн Ё.Баатарбилэг:
-
Сумын эрүүл мэндийн төвүүд дээр багийн эмч нарт хүүхдийн ханиад томууны эм байхгүй байна. Баг, сумын түвшинд зайлшгүй шаардлагатай эмийн жагсаалт гэж байдаг байна. Тэр жагсаалтын 30-40 хувь нь огт хэрэглэгддэггүй эмийн жагсаалт байдаг. Үлдсэн зайлшгүй байх ёстой эмүүд нь байдаггүй. Сумын эмнэлэгүүд даатгалаас авдаг мөнгөө зүрх, судасны эмэнд л зориулж байна. Нялх балчир хүүхдүүдэд ханиад томуунд нь зарцуулдаг эмэнд хүргэж чадахгүй байна.
-
Эмийн агентлаг нь ажлаа хиймээр байна. 11 сард аймгаасаа шаардлагатай эмийн захиалга аваад тендер зарладаг. Хойтон 4-6 сар гэж тендер нийлүүлэгдэнэ. Үнийг нь харж авна. Монопол ганц хоёр компаний хямдхан үнэтэй, үйлчилгээний чанар муутай эмүүд орж ирдэг байна. Тэр эмнүүдээ голоод эмийн сан руу явдаг байна.
