2019.12.19
Хууль, эрх зүй

Х.Нямбаатар: Яллагдагчаар татахаар хөөн хэлэлцэх хугацаа дуусна

УИХ-ын чуулганы өнөөдрийн /2019.12.19/ нэгдсэн хуралдаанаар Эрүүгийн хуульд нэмэлт, өөрчлөлт оруулах тухай, Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай, Шүүхийн шийдвэр гүйцэтгэх тухай хуульд нэмэлт, өөрчлөлт оруулах тухай, Зөрчлийн тухай хуульд нэмэлт, өөрчлөлт оруулах тухай, Зөрчил шалган шийдвэрлэх тухай хуульд нэмэлт, өөрчлөлт оруулах тухай хуулийн төслүүд болон хамт өргөн мэдүүлсэн бусад хуулийн төслийн анхны хэлэлцүүлгийг үргэлжлүүлэн  хийж байна.

Энэ үеэр УИХ-ын гишүүн Х.Нямбаатар: 

Хөөн хэлэлцэх хугацааг гэмт хэрэг үйлдсэн өдрөөс яллагдагчаар татах хүртэл тоолно. Яллагдагчаар татахаар хөөн хэлэлцэх хугацаа дуусна. Дахиж хөөн хэлэлцэх хугацаа гэж байхгүй гэсэн зохицуулалт энэ удаагийн хуулиар орж ирж байгаа. Эрүүгийн хэрэг үүсгэснээс хойш хэрэг мөрдөн шалгах хугацааг ерөнхий хэргийг 2-оор үржүүлсэнтэй тэнцэх хэмжээгээр тогтооно. Хөөн хэлэлцэх хугацааг тоолох журам шинэчлэгдэж байгаатай холбогдуулан хэрэг бүртгэл мөрдөн байцаалтанд байгаа хэрэгүүдийн хөөн хэлэлцэх хугацааг шинээр эхлүүлж дахиж тоолно. 

ШИНЭ МЭДЭЭ