УИХ-ын гишүүн С.Эрдэнэбатын хамт Зэст, Хүрэнбулаг багийн иргэдтэй уулзаж байна. Энэ үеэр:

• УИХ-аар хэлэлцэн батлаж буй онцлог хуулиуд, түүний нэмэлт өөрчлөлтүүд
• Засгийн газрын үйл ажиллагааны хөтөлбөр, 14 мега төслийн явц
• Бүсчилсэн хөгжлийн төлөвлөгөө
• Ажиллаж буй байнгын хороод, ажлын хэсгийн үйл ажиллагаа, чуулганаар хэлэлцүүлэхээр зөвшилцөж буй хуулийн төслүүд
• Улсын төсвийн хөрөнгө оруулалтаар Орхон аймагт хийгдэж буй хөрөнгө оруулалтын ажлуудыг танилцуулав.

С.Эрдэнэбат Харьяалах байнгын хороо, ахалж ажиллаж буй ажлын хэсэг хүрээнд:

• Боловсролын зээлийн сангийн үйл ажиллагаа, хэрэгжилт
• Цалин хөлс, тэтгэвэр тэтгэмжийн асуудлууд
• Татвар, НД-ын хуулийн шинэчлэл мэдээлэл
• Хөдөлмөр хууль тогтоомжийн хэрэгжилт
• Эрүүл мэндийн үйлчилгээ, даатгал санхүүжилт хүртээмжийн талаар мэдээлэл өгч, иргэдийн санал хүсэлтийг хүлээн авлаа.

Уулзалтын үеэр иргэдээс:

• Авлига, албан тушаалын зөрчлийг бууруулах
• Тэтгэвэр өвлүүлэх заалтад цэргийн албан хаагчид багтаагүй байгааг эргэж харах
• Тэтгэврийн зээлийн хүүг бууруулах
• Зэст багийн 180 иргэний эрх ашиг хөндөгдөж буй 1A хорооллын олон жил ашиглалтад ороогүй, 1232 айлын барилгын ажлыг нэг мөр дуусгаж, иргэдийн эрх ашгийг хамгаалах
• Хүрэнбулаг багт замбарааргүй байшин барилга барьж буйг цэгцэлж хот төлөвлөлтийг сайжруулах
• Уурхайчин 1, 2, 3 хороололд сургууль цэцэрлэг байгуулах
• Өргөн хэрэглээний бараа бүтээгдэхүүний үнэ дэлхийн жишигт байдаг хэдий ч цалин хэд дахин доогуур байгаад анхаарч, ядуурлыг бууруулах
• Инфляцыг бууруулж, Мөнгөний үнэ цэнийг нэмэгдүүлэх зэрэг тулгамдаж буй асуудлаа илэрхийлж байлаа.

Тулгамдсан асуудалд шийдвэрлэх боломж бий эсэхэд тодорхой хариулт өгч, УИХ-ын гишүүний үндсэн чиг үүрэг, бүрэн эрхийн хүрээнд шийдвэрлэх боломжтой ажлуудад хамтарч ажиллахаа илэрхийллээ.