УИХ-ын чуулганы /2025.04.04/-ний өдрийн хуралдаанаар Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцэх эсэхийг хэлэлцлээ.

Хэлэлцэж буй асуудалтай хобогдуулан гишүүд асуулт асуулаа.

УИХ-ын гишүүн С.Бямбацогт:

Энэ төлбөр таавар, мөрийтэй, цахим, мөрийтэй тоглоомыг Засгийн газраасөргөн барьж , хориглож хязгаарлаж байгаа.Яах аргагүй ингэх цаг нь болсон анхаарах ёстой асуудал. Сая ярилаа 1,3 тэрбум доллар буюу монгол төгрөгөөр 4,5 их наяд төгрөг сүүлийн 5 жилд гараад явчихсан байна. Үүнийг энгийн хэллэгээр тооцоод, Приус машиныг 30 сая төгрөгийн үнэтэй гэж үзэх юм бол 150 мянган Приус машинтай тэнцэх хэмжээний мөнгө гадагшаа гараад явчихжээ. 150 мянган айл өрх 150 мянган машингүй болчихжээ. Ер нь голцуу эрчүүд л тоглож, өрөнд орж байгаа. Жилдээ 500 сая доллар, 2024 онд 500 сая доллар гарсан гэж байна. Энэ 500 сая доллар чинь бас 50 мянган приус машин, орон сууцаар аваад үзэх юм бол 100 сая төгрөгийн үнэтэй орон сууцаар үзэх юм бол 45 мянган айлын орон сууц, 45 мянган айл орон гэргүй болж байна. 150 мянган айл машингүй, амьжиргааны эх үүсвэргүй болж байна.

Ийм л ноцтой үр дагавартай асуудал болчхоод байгаа учраас үүнийг хориглоод, хязгаарлах нь зөв. Гэхдээ үүн дотор нэг асуудал байгаад байна. И-спортоор Монголын залуучууд, хүүхдүүд дэлхийд алдартай болж эхний 3 4-д эрэмбэлэгддэг ийм баг тамирчидтай болсон. Монгол Улсын ЗГ-аас бас тодорхой бодлого авч хэрэгжүүлсэн үр дүн гарсан. Багийн спорт, волейбол, сагс, дээрээс нь олимпын төрлийн спортуудад хувийн хэвшлийнх нь, баялаг бүтээгч татвар төлөгчид маань маш их хэмжээгээр хөрөнгө зарцуулдаг болж байна. И -спорт ч үүнтэй адилхан зарцуулж байгаа.

Тэгвэл И-спортод контор, страйк пабжи тоглож дэлхийд тэргүүлж байгаабагуудыг дэмждэг улсууд нь энэ цахим тоглоом эрхэлдэг компаниуд байх шиг байгаа юм. Энэ компаниуд и-спортыг яаж цааш нь дэмжих бодлого барих вэ?