УИХ-ын чуулганы /2025.04.03/-ны өдрийн хуралдаанаар Хүний эрх, эрх чөлөөг хангахтай холбоотой зарим хуульд нэмэлт, өөрчлөлт оруулах тухай хуулийн төслийг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Д.Энхтуяа:

Хуулийг үзэл баримтлалын хувьд дэмжиж байна. Энэ хууль хэлэлцэгдсэнээр хохирогчийн аюулгүй байдал, нийгмийн эмзэг бүлгийнхэнд хууль зүйн туслалцаа үзүүлэх, албадан эмчлэх гэх мэт маш чухал өөрчлөлтүүд орох юм байна. Хүний эрх, эрх чөлөө хаана их зөрчигдөөд байна вэ гэхээр бодит байдал дээр гэрч, хохирогч болсон хүмүүс дахин гэрч, хохирогч болж хохирдог ийм асуудал амьдрал дээр байна. 2013 онд батлагдсан Гэрч хохирогчийг хамгаалах тухай хууль 2014 оноос хэрэгжиж эхэлсэн. Энэ хуульд 2014 оноос хойш 10 гаруй жил ямар нэг байдлаар засвар ороогүй. Шинэчилсэн найруулгаар шинэчлэгдээгүй, өөрчлөгдөөгүй.

Тэгэхээр энэ хууль нэг бол маш гайхамшигтай хууль болоод амьдрал дээр маш сайн хэрэгжиж байгаа, эсвэл асуудал байна гэжхарж байгаа. Амьдрал дээр гарсан судалгаагаар хүний эрх, эрх чөлөө нь хохирсон хүн дахиж хохирч байна. Ямар нэгэн буруутай үйлдлийн гэрч болсноороо дахиж хохирч байна. Гэрч хохирогчийг хамгаалах хуулийн хэрэгжилт ямар байдаг юм бэ? Шинэчилсэн найруулга дээр үүнийг ямар хэлбэрээр засаж залруулсан бэ. Тахарын албыг 2014 онд байгуулсан санагдаж байна. Харамсалтай нь 2017 онд одоо энэ албыг татан буулгасан. Ямар учраас татан буудалгасан юм бэ?

Түүний асуултад ХЗДХ-ийн сайд О.Алтангэрэл хариуллаа.